Оглавление
Группа авторов. Гунилгэн хохтолин
Нё̄гӯ тӯрэ̄н
Галина Ивановна Варламова-Кэптукэ (18.01.1951 – 19.06.2019)
Минӈӣ тэгэ̄в – эвэнкӣл
Урикӣчилвун
Кумикэ̄р (нимӈака̄н)
Минӈӣ угучакив
Энин
Неӈненӣ
Багдарика̄н (улгур)
Минӈӣ эвэды̄ тӯрэ̄нми
Неӈненӣ эмэрэн
Болонӣ
Мутӈӣ эвэды̄ тӯрэ̄н
Сигука̄н (нимӈака̄н)
Таткӣттӯ «Арктика»
Энӣ
Энекэду
Эдӣгэ̄н дӯннэв
Дюгар улгур
Синквейн «Эвэды̄ тӯрэ̄н»
Дюга
Куӈа̄ка̄рду
Булта̄мнӣл
Бугды̄ тӯрэ̄н аминдулӣв
фИЛЬМДУЛӢ «Злой дух Ямбуя»
Сэлэмэ хоктово о̄дярӣлнун бакалдын
Мучӯмӣ ю̄ктэлэ̄ (Эссе)
О̄н Хантайскай амут тадук Путоран я̄ӈилин о̄ра
ХЭГДЫ АГДЫ̄
ДЮГАНӢДӮ
ТЫМАНӢДӮ
ДО̄ЛЧАТКАЛ
Гэрби
О̄макта анӈанӣ
Иеӈнэ бикӣт
О̄н эвэнкӣл чайвэ са̄ча̄тын (Нимӈака̄н)
Отрывок из книги
Галина Ивановна Варламова бикӣттӯ Кукушкадӯ Зейскай райондӯ Амурскай областьтӯ бэюмӣмнӣ кэргэндӯн балдыча̄н. Нуӈан 1974 анӈанӣдӯ севернай отделениевэ Ленинградскай педагогическай институтвэ А. И. Герцен дя̄рӣн гэрбивчэ̄вэ этэчэ̄н. Галина Ивановна лӯчады̄ тӯр̄эн литературава-да тадук эвэды̄-дэ тӯрэ̄н алагумнӣн о̄ран. 1973–1979 анӈанӣлдӯ Якутия таткӣчилдӯн хавалдяча̄н. Тадук 1979 анӈанӣдук будэлэ̄ви научнай институттӯ Якутскайдӯ хавалдяча̄н. Нуӈан упкат Россиядӯ бидерӣл эвэнкӣлдулэ̄ некэектэчэ̄н. Галина Ивановна эвэды̄л нимӈака̄рвэ, улгурилвэ, иты̄лва, одёкӣчилва-да тавдяча̄н. Ха̄ды̄лнун-да эвэнкӣлнун, Китайдӯ бидерӣлнун, бакалдыча̄н. Нуӈан дю̄рдя̄рдук хулэкэ научнай экспедициялдӯ бичэ̄н. Тавналви кэтэ нимӈака̄рвэ, эмата̄налва улгурилвэ нуӈан миттӯ книгалдӯви эмэ̄нэн.
Галина Ивановна – са̄врӣ дукумнӣ. Ге̄ гэрбивэн, Галина Кэптукэ, упкат эвэнкӣл до̄лдыча̄тын. Книгалван сагды̄л-да, илмактал-да эвэнкӣл, ая̄вденэл, таӈдяра. Нонопты улгур «Имеющая своё имя, Джелтула-река» 1989 анӈанӣдӯ ю̄чэ̄н. Ха̄ды̄л улгурил Галина Ивановна дукунан хуӈтул тӯрэ̄рди: немескай, испанскай, итальянскай, французскай, японскай-да тӯрэ̄рди о̄вукса̄л, ю̄вувчэ̄тын. 1999 анӈанӣдӯ Галина Ивановна Север хулукур тэгэ̄л Депутатскай Ассамблея премияватын «Звезда Утренней зари» гача̄н. Тар премиява книгалӣ «Маленькая Америка» бӯчэ̄тын. Ха̄ды̄л-да улгурил «Имеющая свое имя Джелтула-река» (Якутск, 1989, 2009), «Рассказы Чэриктэ» (Красноярск, 1989), «Маленькая Америка» (Москва, 1991), «Мой папа – Санта Клаус» (Якутск, 2010) ю̄чэ̄тын. Журналилдӯ «Розовая чайка», «Полярная Звезда», «Курьер ЮНЕСКО» хуӈтулду-дэ улгурил ю̄ӈкитын.
.....
Иркин бе̄гадӯ вертолёт мунэвэ, алагӯвумнӣлва, гэннэ̄рэн. Энинми тар вертолётва ала̄тчача̄н, нуӈан химат палаткала̄ эмэрэн тадук тэткэ̄лви сумкала̄ чипчихинан, вертолёттыкӣ туксаран, ӣрэн, тадӯ тэгэрэн. Аминми нуӈантыкӣн дагамаран, ӈа̄лэлдукин гаран, вертолёттук ю̄вкэ̄нэн. Вертолёт дэгрэн, упкачил куӈака̄р бикӣттулэ̄ дэгиллэ. Минӈӣ энинми-кэ аминнунми эмэ̄нмурэн. Тэ̄лӣ энинми со̄т соӈодёчо̄н.
Тадук сирун бе̄гадӯ нуӈартын орорди базала̄ суручэ̄л, минӈӣ энинми аминми амардукин ӈэнэдечэ̄н. Амнӯнналӣ ӈэнэденэ, энинми, урэлӣ хуктыдерӣвэ оронмо, ичэрэн. Энинми аминдӯв тара гунэн. Аминми тэпкэхинэн, ха̄нӈӯран:
.....
